فطاير مشكلة
المكوّنات
-
العجينة:
-
كيلو طحين
-
5 ملاعق حليب بودرة
-
3 ملاعق سكر
-
1 ملعقة ملح
-
ملعقة باكينغ باودر
-
ملعقة خميرة
-
كاسة زيت
-
كاستين ماء دافئ
-
رشة حبة البركة ورشة محلب (اختياري)
-
الحشوات :
-
لبنة وزيتون
-
لبنة وزعتر
-
محمرة (فليفلة)
الخطوات
-
1
منعمل العجينة منحط كل المقادير الناشفة مع بعضا بعدا منضيف عليهم كاسة الزيت ومنفركن منيح بالزيت بعدين منضيف الماء شوي شوي ومنعجن لحتى تتشكل معنا عجينة طرية وملساء منحطا بوعاء عميق مدهون بشوية زيت ومنغطيا ومنتركا تتخمر ساعة
-
2
منبلش بعد ماتختمر العجينة بتشكيل الفطاير بالأشكال يلي بتحبو وبتضيفو الحشوات يلي بتحبوها بقلبن
-
3
قوارب لبنة وزيتون
-
4
فيكم تعملو رول باللبنة والزعتر وتقطعوها
-
5
فيكم تمدو العجينة بالصينية وتدهنو عليها محمرة يلي هيه عبارة عن دبس فليفلة مع شوية دبس رمان وزيت زيتون ورشة حبة البركة بتخلطوهن وبتدهنو على وجه العجينة وفوقا رشة سمسم وبس تطلع من الفرن منحطلا شوية زيت حتى ماتطلع ناشفة
-
6
فيكم تعملو كروسان تلفوهم بالجبنة البيضا وبتحطولا حبة البركة ورشة نعنع يابس وبتدهنو وجه الكروسان بالحليب وبتحطوهن بالفرن على حرارة 180لحتى ياخدو اللون الذهبي على البني
-
7
فيكم تعملو أشكال تانية بحشوات تانية بس العجينة بتطلع روووعة وبتقدمو الفطاير الصبح مع كاسة شاي وصحة وهنا 🌷
من تفاعل بإيموجي
وصفة من
التعليقات