شيخ المحشي عالطريقة الحلبية
اكلة كتير طيبة بيعملوها اهل حلب بدون مايقطعو الكوسا بكر بيحفرو الكوسا الصغير كتير وبيحشوه باللحمة والبقدونس وبيغمرو بشوية مي وبطبخوه اما يلي ماعندو كوسا صغير متل حكايتي في بيجيب كوسا حجم كبير وبيقطعوه بكر وبيطبخو بنفس الطريقة .. اكلة طيبة كتير وبتتقدم جنب الرز بشعيرية واللبن المتوم .. بتمنى تعجبكم ..
المكوّنات
-
150 غرام لحمة ناعمة
-
كوب بقدونس مفروم ناعم
-
4 كوسايات حجم كبير
-
ملح
-
فلفل اسود
-
فلفل ابيض
-
زنجبيل بودرة
الخطوات
-
1
اول شي منقطع الكوسا بكرات ومنقليهن بزيت حامي ليصيرو بهالشكل
-
2
بعدا بطنجرة نضيفة منحط معلقتين زيت نباتي ومنحط اللحمة المفرومة وفوقا البهارات المذكورة ومنقلبن سوا ليبلش يتغير لون اللحمة بعدا منطب البقدونس المفروم ناعم فوقن ومنقلب
-
3
منغطي عالطنجرة لتستوي اللحمة مع مراعاة تقليبها من فترة لاخرى
-
4
بعدا بس استوت اللحمة منطب الكوسا المقلي فوقا
-
5
ومنغمر الكوسا بالمي تقريبا كاسة ونص مي كالشكل
-
6
بعدا منغطي عالطنجرة ومنوطي الغاز عالاخر وبس غلى غلوتين منطفي عليه ويقدم..
-
7
الى جانب رز بشعيرية ولبن متوم
-
8
بتمنى تعجبكم..
-
9
صحة و هنا
التعليقات