شطيطة اسكندراني🌶
تغيير

شطيطة اسكندراني🌶

مسقعة بشكل جديد وحرشة جدااا والاكلة دي بتنفع جمب اكلة سمك معتبرة

Rawan

المكوّنات

  1. كيلو باذنجان اسود
  2. 2 فلفل حار
  3. 2 فلفل رومي
  4. 1 بصلة كبيرة
  5. 10 فصوص توم مفروم
  6. رشة ملح
  7. رشة كمون
  8. زيت
  9. لتر عصير طماطم

طريقة التحضير

  1. اضف صورة

    اول حاجة بنجيب البتنجان بتاعنا وبنقعة صوابع وبعدين مكعبات كبيرة وبعدين نغسلة كويس وعدين ننزلة في زيت مغلي ونحمرة وبعدين نصفية على مناديل ونركنة على جمب

  2. تغيير

    المرحلة التانية بقي نجيب حلة نقطع البصلة مكعبات صغيرة بشوية زيت ونشوح تشويحة بسيطة ننزل بال10 فصوص توم المفرومين ونشوحهم لحد مالونهم يغمق شوية ننزل بالفلفل بتاعنا الرومي والحار نقطعهم انصاص ونشوح كله مع بعض.

  3. اضف صورة

    نقوم ننزل بعصير الطماطم يتسبكو نص تسبيكة انزل بالملح والكمون بتاعنا ونقلب تقليبة بسيطة وانزل بالبتنجان بتاعي كله اقلب تقليبة بسيطة اغطي البتنجان البصلصة ويغلي غلوتين واقفل عليها واقدمها في طبق تقديم جمب بابا غنوج وبطاطس محمرة والف هنا وشفا

  4. اضف صورة

    ملحوظة: ممكن اضافة شطة ممكن اضافة لحمة مفرومة وممكن اضافة بطاطس مكعبات متحمرة وممكن اضافة فلفل رومي فقط اي اضافات متاحة ودة يرجع لزوق كل واحد😊

اضف خطوة

الصور

(1)

أصدقاؤك الطباخون حضّروها، حان دورك لتجرّبها ⏰


طبختها؟

شاركنا تجربتك لتسعد صاحب الوصفة 💕

أضف صورة طبقك

عمليات بحث متعلقة بهذه الوصفة