كنافه بالقشطه
تغيير

كنافه بالقشطه

 Shimaa

المكوّنات

  1. 0.5 كيلو كنافه
  2. 0.5 كوباية زبده سايحه
  3. 0.5 كوب سكر بودره
  4. القشطه :
  5. 0.5 كيلو لبن (حليب)
  6. 3 معالق كبار نشا
  7. 0.5 كوب كريمه لباني (اختياري)
  8. الشربات (القَطر) :
  9. 2 كوب سكر
  10. كوب ماء
  11. 0.5 عصير لمونه
  12. رشة ڤانيلا
  13. 0.5 معلقه صغيره زبده
  14. مكسرات للتزيين

طريقة التحضير

  1. اضف صورة

    القشطه : نحط النشا على اللبن البارد ونقلب جيدا حتى يدوب النشا مع اللبن

  2. اضف صورة

    بعدين نحطه على النار لغاية ما قوامه يتقل شويه وبعدين اضيف الكريمه واقلب دقيقه واسيبه على جنب يبرد.

  3. اضف صورة

    من بعد ما يغلي وبعدين اطفي عليه واضيف الڤانيلا والزبده واسيبه يبرد خالص.

  4. اضف صورة

    الشربات (القَطر) التقيل : نحط السكر على الميه على نص عصير اللمونه ونحطهم على النار من غير تقليب لمدة ٤ دقايق تقريبا

  5. تغيير

    عشان الكنافه تتكسر معانا بسهوله كده نحطها في الفريزر مدة ٣ ساعات تقريبا او اكتر وبعدين نطلعها نفركها بايدينا عادي هتتكسر معانا بسهوله.

  6. تغيير

    نحط الزبده السايله على الكنافه ونقلبهم في بعض كويس جدا وبعدين نضيف السكر ونقلب لغاية ما يختفي السكر

  7. تغيير

    نجيب نص الكميه ونفردها في الصينيه ونضغط عليها كويس

  8. تغيير

    بعدين نضيف القشطه بعد ما بردت ونفردها على كل الصينيه

  9. تغيير

    نحط باقي كمية الكنافه على الوش بس من غير ما نضغط جامد

  10. تغيير

    بعدين ندخلها الفرن ونكون مشغلينه قبلها على درجة حراره ٢٢٠ في الرف اللي في النص لغاية ما تحمر كلها.

  11. اضف صورة

    وممكن تحمر من الجناب بس زي الببسوسه. ولو عملت كده يبقى اطفي الفرن وزي ما هي في مكانها اشغل النار بتاعت الشوايه تحمر الوش من فوق وبعدين اطلعها

  12. تغيير

    اضيف عليها نص كمية الشربات البارد وهي سخنه. بعدين اسيبها ٥ دقايق كده واقلبها في صينيه او طبق كبير على الوش التاني وارش عليها باقي كمية الشربات.

  13. تغيير

    ممكن ازوقها بالمكسرات على الوش زي ما تحبوا. انا بحبها ساده. جربوها وبإذن الله هتعجبكوا جدا ❤

اضف خطوة

الصور

(3)

أصدقاؤك الطباخون حضّروها، حان دورك لتجرّبها ⏰


طبختها؟

شاركنا تجربتك لتسعد صاحب الوصفة 💕

أضف صورة طبقك

عمليات بحث متعلقة بهذه الوصفة