فريكة بالدجاج طعم رووعة☺😋

منغسل الدجاجة ومننقعها بالملح والخل والحامض ساعتين.ومن بعدها منغسلها ومنصفيها منحشيها حبة بصل كاملة ونصف حبة توم ومنخيطها ومنربط ايديها ورجليها بالخيطان ومنفور عنها تفويرة وتانية منرجع منغسلها ومنغسل الطنجرة ومنعبيها ماي ومنحط كل بهارات السلق مع حبة بصل ونصف حبة التوم الباقية بياخدو عل نار وسط تقريبا 40د.

مننقع الفربكة من بعد مانغسلها منيح تقريبا ليستوي الدجاج او اكتر شوي وقبل مانستعملها لازم تكون مصفاية منيح.

بطنجرة منحط ملعقة كبيرة سمنة وبس تحمى منزل الفريكة ومنقلب منيح تقريبا 10د عل نار وسط للتشرب السمنة وتاخد لون خفيف. بهل الوقت منصفي الدجاجة ومنحطها عل مصفاية لتصفي منيح ومناخد كل الصوص من البصل والتوم منهرسن منيح بالمصفى بيعطو طعم كتتير طيب للاكل ومنحط مرقة الدجاج فوق الفريكة مع مكعب الماجي منحط الملح ومنتركها تغلي عل نار عالية اول ربع ساعة ومن بعدها للنص.

منتبل الدجاجة بشوية كركم وفلفل احمر وفلفل اسود وملح وشوية ماي منحركن منيح ومنتبل الدجاجة من كل الجهات ومندخلها للفرن عل درجة حرارة 200د لتاخد لون وبس تتحمر مندهنها بشوية زبدة لتطرا وتاخد لون ولمعة.ومنطفي الفرن.

منسكبها ومنزينها بالمكسرات.

بيلبق جنبها لبن بخيار او لبن عيران.

والف هنا وعافية لقلبكم 💟 شغلكم وتعبكم الحلوووو ☺ ومساكم منور دايماااا 😊 💖 💟 💞