قطايف مقلية
قرب شهر رمضان شهر المغفرة والرحمان نشالله بنتعاد على الجميع بالخير والبركة يا رب 💖💖
المكوّنات
-
2 كوب طحين
-
0.5 كوب سميد ناعم
-
2 ملعقة كبيرة سكر
-
2 ملعقة كبيرة حليب بودرة
-
3 ملاعق كبار نشاء الذرة
-
0.25 ملعقة محلب ناعم
-
ملعقة كبيرة ماء الزهر
-
3 كوب ماء
-
ملعقة صغيرة باكنبودر
-
ملعقة صغيرة خميرة
-
رشة صغيرة ملح
-
قطر للقطايف بعد القلي
-
2 كوب سكر
-
كوب ماء
-
ملعقة كبيرة ليمون حامض
-
ملعقة صغيرة ماء الورد او الزهر
الخطوات
-
1
بوعاء غميق بنخل الطحين وبنضيف كل المكونات الناشفة من دون السميد...
-
2
بنخلطون مع بعض وبنضيف 2 كوب ماء وبنحركهون كثير منيح لا يتجانسوا مع بعض...
-
3
بنضيف السميد وبنحرك لا تختفي كل الكتل وتنعم العجينة ممكن نخفقهون بالخلاط بينعموا احس...
-
4
بنغطي العجينة بسترتش فولية وبنتركها ترتاح ساعة لا يضاعف حجم العجينة...
-
5
بعد ما ترتاح العجينة بنحركها لا يروح كل الهوى منها وبنضيف كوب الماء المتبقي وماء الزهر بالتدريج لا نحصل على عجينة رخوة الى حدا ما لازم تكون ارخى من اللبن الزبادي شوي...
-
6
بنعرف اذا العجينة بدها ماء زيادة او لا من طريقة مدها بالسخانة نحن وعم نخبزها بس نسكب اول واحدة من القطايف وتمد بسهولة بتكون العجينة مضبوطة واذا مدة بصعوبة بكون بدها شوي ماي..
-
7
بنحط سخانة على النار وسط وبنصير نخبز القطايف..
-
8
اول ما بتنشف الاطرف القطايف براس السكنة بنحركهون كرمال ما يحمروا كثير الاطراف وتنشف تماما بنشيلها على قطعة قماش ودغري بنغطيها كرمال ما تنشف معنا عجينة القطايف بضل نعمل نفس الطريقة لا تخلص كل كمية العجين عنا...
-
9
بعد انتهاء من مرحلة الشواء بنحشي حبات القطايف بالحشوة لي بنرغبها قشطة او مكسرات...
-
10
وبنقليها بالزيت على نار متوسطة لا تشقرة من الجهة بنقلبها على جهة الثانية وما بنضل نقلب فيها بنقلبها مرة او مرتين مش اكثر..
-
11
بس تحمرة القطايف بالزيت بنشبلها وبنوضعها بمصفاة لا ينزل كل الزيت منها...
-
12
بعد ما بنزل منها الزيت الزائد نضعها بالقطر التقيل ويكون بحرارة الغرفة معمول قبل بوقت.. ونرفعها على شبك ونتركها تنزل القطر الزائد...
-
13
وبعدها نضعها على طبق التقديم... نزيننها حسب الرغبة وتقدم والف صخة وهنا 🌷
من تفاعل بإيموجي
وصفة من
التعليقات