عجينة الفيلو الرقيقة باللحم المفروم والجبن
تغيير

عجينة الفيلو الرقيقة باللحم المفروم والجبن

joodi joodi

المكوّنات

  1. باكيت عجينة الفيلو الرقيقة
  2. مقادير الحشوة :
  3. 0.5 كغ لحم مفروم ناعم
  4. 3 حبات فليفلة الوان مقطعة قطع صغيرة
  5. 2 بصلة كبيرة مقطعة الى مكعبات صغيرة
  6. 1 بندورة مقطعة قطع صغيرة
  7. حسب الرغبة ملح
  8. حسب الرغبة فلفل اسود
  9. رشة قرفة صغيرة
  10. معلقة دبس رمان
  11. معلقتين سمنة للحشوة
  12. 10 شرائح طولية من جبنة القشقوان
  13. 4 معالق زبدة لدهن رقائق الفيلو (كمية الزبدة على حسب كمية الرقائق)
  14. 1 بيضة
  15. كاسة وربع حليب سائل

طريقة التحضير

  1. اضف صورة

    بندبل البصل الناعم مع السمنة لحتى يدبل تماما وبنضيف عليه اللحم المفروم

  2. اضف صورة

    بحرك وبنضيف الملح والفلفل والقرفة ودبس الرمان وبنحرك لحتى تستوي اللحمة

  3. اضف صورة

    بنضيف مكعبات الفليفلة الالوان وبنحرك حتى تستوي الفليفلة بس ماتكون دايبة يعني لازم تقرش شوي وبعدها بنضيف مكعبات البندورة عليهم وبنحرك دقيقتين وبنطفي تحت النار

  4. اضف صورة

    بنجيب صينينة بايركس او تيفال وبندهنها بالزبدة منيح

  5. تغيير

    بنحط اول طبقة من رقائق الفيلو جوات الصينية وبندهن وشها كلو بالزبدة

  6. اضف صورة

    بعدين بنضيف طبقة تانية وبندهن وشها بالزبدة

  7. اضف صورة

    بعدين بنضيف كل طبقتين من عجينة رقائق الفيلو سوى وبندهن وشها بالزبدة لحتى يصير عنا تقريبا 10 طبقات من رقائق الفيلو جوات الصينينة

  8. تغيير

    بعدها بنضيف الحشوة وهي اللحمة المفرومة مع الفليفلة والبصل والبندورة وبنفردها على كامل الصينية

  9. تغيير

    بعدين بنضيف شرائح الجبن القشقوان او اي نوع جبنة بتحبوه انا استخدمت القشقوان وبنحطو فوق طبقة اللحمة المفرومة

  10. اضف صورة

    بعدين بنرجع بنحط طبقات الفيلو تقريبا 10 طبقات وكل طبقتين فيلو بنحطهم سوى وبندهن الوش بالزبدة الدايبة وبنكرر وضع طبقات الفيلو لتخلص الكمية ال10 طبقات ولاننسى دهن الطبقات بالزبدة الدايبة

  11. تغيير

    واخر طبقة بندهنها زبدة وبنقطع العجينة جوات الصينينة بالسكين على شكل مستطيلات او مربعات او اي شكل بتحبوه

  12. اضف صورة

    واخر شي بنخلط بيضة منيح مع رشة ملح وفلفل وبنضيف عليها كاسة وربع حليب سائل وبنحطهم على صينية الرقائق وبنتركها ترتاح 5 دقائق لحتى يتشرب العجين الحليب والبيض وضرروي تنترك 5 دقائق قبل لتدخل الفرن

  13. اضف صورة

    بندخلها الفرن بدرجة حرارة 180 على الرف الوسط وبنتركها لمدة ربع ساعة او تلت ساعة بس ومن فوق بنحمرها شغلة 3 دقايق ازا كان الفرن تبعك حامي او 5 دقائق المهم تاخد لون الاحمرار وبتتقدم مع سلطة اللبن والخيار صحة وهنا

اضف خطوة

الصور

(0)

طبختها؟

شاركنا تجربتك لتسعد صاحب الوصفة 💕

أضف صورة طبقك