طاجن فريك باللحم المفروم💓👍

يفضل اجيب الفريك معبأ او من مصدر موثوق منه لان اللي عند العطار العادي بيبقي مليان شوائب انا جيبته من عند فتح الله) انقي الفريك كويس جدا واغسله كويس جدا جدا وانقعه مدة لاتقل عن ساعة في ماء عادي وبعد النقع اصفيه كويس

اضع نصف ملعقة الزبدة في طاسة كبيرة وغويطه او اي اناء اخر واقطع البصلة قطع صغيرة واشوحها وبعدين الثوم واشوح ثم اللحم المفروم واقلب كويس واضع ملح وفلفل والجنزبيل واقلب

ابشر الجزر واضيفه ثم اقطع الفلفلة واضيفها واقلب كويس ثم الفريك واقلب كويس جدا ثم الملح والفلفل ومكعب المرقه

اضرب الطماطم واصفيها واضيفها واضع نسبة من الملح واقلب كل ده على النار

اجهز طاجن بيركس وادهنه كويس جدا سمنة حتى لا يلتصق الفريك به واضع فيه الخليط كله ثم اضع كوب الماء واغطي الطاجن بورقة الومنيوم وادخله فرن مسخن على 210 درجة حتى ان يتشرب ميته ويستوي

الف هنا😍😍