بسكويت الشاي بالهال 😍

في وعاء عميق نضع الطحين وفوقه رشة الملح وظرف البيكنغ باودر

والهال المطحون

ثم نضيف فوقهم الزبدة السائلة ونص كوب الزيت ونعجن باليد حتى يتشرب الطحين الزبدة والزيت

بعدها نضيف الحليب الدافئ بالتدريج يعني كل شوي بنضيف شوية حليب ومنعجن الطحين حتى الحصول على عجينة سهلة التشكيل كالشكل

ممكن مانحتاج كل كاسة الحليب حسب نوع الطحين واستيعابه للسوائل يعني منضيف كل شوي قليل من الحليب ومنستمر بالعجن وهيك..واذا صار عن عجينة متماسكة منوقف إضافة الحليب

بعدا منمد العجينة رقيقة ومنقطعها بقطاعات البيتيفور أو بايا قطاعات موجودة عنا وبنعمل ثقوب عليهن بالشوكة مشان ماينفشو ومنصفن بصينية فرن فوق ورق زبدة ومندهن الوجه ببيضة ممزوجة مع ظرف فانيليا وبنرش عليهن سمسم محمص وعالفرن عدرجة حرارة ١٨٠ عالرف الوسط بس يتحمرو ويصير لونن زهر منطالعن وبنتركن يبردو قبل ما نقدمن..

طبعا فيكم تخزنوهن بعلب محكمة الإغلاق..

بتتقدم جنب الشاي أو الحليب..

بسكويت طري ومقرمش وهش بنفس الوقت بتمنى تعجبكم..

وصحه وهنا..💞💞