معمول التمر بالسميد بدون طحين
المكوّنات
-
400 غم سميد ناعم أو وسط بيكون
-
100 غم سميد فرخة ناعم جدا بيكون متل الطحين شكله
-
175 غم سمن
-
1/2 كوب حليب بودرة
-
1/2 ملعقة صغيرة محلب ونصف ملعقة صغيرة بهار معمول
-
1/2 ملعقة صغيرة خميرة
-
ماء دافئ للعجن
-
للحشو تمر أو فستق حلبي أو جوز
الخطوات
-
1
المقدار اللي عملته نصف كيلو يمكن مضاعفة المقدار..وأيضا يمكن استخدام المقدار كله سميد فرخة او سميد ناعم فقط حسب الرغبة
-
2
نبس السميد مع السمن ونفرك باليدين حتى يتشرب السميد كل السمن نغطي ونتركه لمدة ٢٤ ساعة وكل فترة نحرك باليد خلال اليوم
-
3
ثاني يوم نضيف الخميرة والحليب البودرة وبهار المعمل والمحلب ونبدأ بالعجن بالماء الدافئ لنحصل على عجينة متماسكة لا تتشقق لما نشكلها..ونتركها ترتاح مدة نصف ساعة
-
4
بعد نصف ساعة نأخذ جزء من العجينة اذا شعرنا انه العجينة ناشفة نزيد قليلا من الماء ونعجنها قليلا ونبدأ بحشو التمر والتشكيل
-
5
حشيت بالتمر والفستق الحلبي وشكلت بالقوالب الخشب او قالب الكبس
-
6
للخبز..فرن محمى مسبقا قبل بوقت كافي على حرارة ٢٤٠ درجة مئوية الرف قبل الأخير يتحمر من تحت ثم طفيت من تحت وشغلت الشواية من فوق ليأخذ لون لأنه الفرن عندي ما بشتغل فوق وتحت مع بعض..وطبعا طريقة التحمير حسب الفرن عندك المهم الحرارة عالية وما يأخذ وقت كتير..تركته بالصواني ليبرد تماما والحفظ في علب بلاستيك محكمة وضعت نايلون فيها وسكرتها
-
7
عند التقديم يرش السكر الناعم حسب الرغبة
من تفاعل بإيموجي
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفة من
التعليقات