خبيزات محشية بالدجاج

اول حاجة نخلط الطحين والملح ونعجنهم بالزيت ومن ثم بالماي لحد ماتجهز معانا العجينه

نحمس البصل والفلفل الرومي ونضيف له الخضروات المشكله ونقلب فيهم لحد ماتنضج وبعدها نضيف له الدجاج من بعد ماسلقناه وفتتناه ونسويله البهارات من يصير جاهز نسكر عليه

ناخذ جزء بسيط من العجينه نكورها وبعدها ندلكها خبيزة صغيرة ونبدا نسويلها الحشوة وننثر فوقها شوية جبن موزاريلا ونسكرها بخبيزة ثانية صغيرة ونخليها ف مقلاة مسطحة ونسويلها شوية زيت ونقلبها ع الوجه الثاني لحد ماتستوي ونخليها ف المشخل او نخليها ف صحن ويكون فيه ورق مجفف الزيت وعليكم بالعافية ورمضان مبارك عليكم